Postprograma

Ikasgaian, sekuentzia didaktikoa eta programarekin amaitu egin dugu; eta orain, azkenekoa egiteko momentua iritsi da: postprograma. Hau aurrera eraman ahal izateko, ikasgaiean landutako hainbat aspektu aztertu eta moldatu egin ditugu, programa berri bat sortuz.

Landutako aspektu horien artean ondokoak aurki ditzakegu: edukiak, metodologia, ekintzak, baliabideak eta ebaluaketa sistema.

Edukiei dagokionez, blogaren erabilera eta teknologia berriekin zerikusia duten kontzeptuak landu ez ezik, talde desberdinek aurkeztu dizkiguten gaiak erabiltzen ere ikasi egin dugu; horien artean, prezi, glogster, eskola2.0, sare sozialak... izan dira nagusi. Ezagutza hauek lantzeko orduan, dena dinamikoki egin izan da; eta agian, kasu batzuetan gehiago sakontzea ondo etorriko litzatekeen (adibidez argazki edo bideo editoreen erabileran). Hala ere, ez dago esan beharrik ikasitakoak oso baliagarriak izango direla etorkizunean, hots, irakasle gai aritzen garenean; izan ere, landutako ia programa guztiak sarean daude eta erabiltzeko oso erraz eta dinamikoak dira (umeentzako erabilerari erreparatuz).

Ikasturtean zehar, arlo honetan proposatzen diren helburuak lortu ditugu. IKT-ren erabilerari buruzko jakintza gehiago lortu ditugu hau ezinbestekoa baita gure etorkizunerako; hauen ezagutzari esker, ikasitakoa gure ikasleei transmititzeko gai izango gara. Horretaz gain, talde-lana oso garrantzitsua dela ulertu dugu, baita batak besteari konplementatzen diola ere. Laburki esanda: gero eta interes handiagoa dugu teknologia berrien inguruan.  

Azken hausnarketa

Hiruhilabetekoa amaitzear dago, eta horrekin batera IKT irakasgaia baita ere.  Horrek esan nahi du irakasgai honek guregan egindako ekarpenak islatu egin behar ditugula.

Klaseko lan dinamika, taldeen banakako ikerkuntzan oinarritu da; horrela, hain garrantzitsua den ikerkuntza metodoa landu izan dugu. Honi esker, talde lanean hobeto aritzea ez ezik, indibidualitatea ere landu egin dugu; inolako laguntza eta oinarririk gabe, lortu ditugulako proposaturiko ekintza desberdin guztiak aurrera eramatea modu autonomo batean.

Talde lanean zentratuz, erabakiak hartzerako orduan ez dira guztiak abantailak izan; arazoak izan ditugu eta gogor aritu gara eztabaidan erabakiak hartu arte. Honekin konturatu egin gara, talde lanean aritzea ez dela beti uste bezain erraza; hala ere, ondo konpondu egin gara eta taldekideen artean, harreman handia daukagulako ere, eta lan dezente egin dugu.

Lan praktikoari dagokionez, talde desberdinek aurkeztu dituzten programa eta baliabideei esker; orain jakintza gehiago dauzkagu interneten baita offline diren programei buruz: bideo eta argazki editoreak, argazki errepositoreak, glogster, prezi aurkezpenak…

Orain, aurkezpenak egin behar ditugunean, ikasi ditugun baliabide anitz erabiltzeko gai gara; eta aurkezpenak ez dira beti bezain monotonoak izaten: power point bat egin eta aurkeztu. Programa desberdinak erabiltzen ditugu, eta aurkezpenak lehen baino askoz dinamikoagoak egin.

Laburbilduz, izandako ikaskuntza oso produktiboa izan da ikasitakoari erreparatuz. Gure ustez, arlo honen helburua bakoitzak bere kabuz gauza desberdinak ikertu eta bere banakako ezagutzak barneratzea da.

Landutako Gaia Hezkuntzan Islatu

Gure gaia, hots, Argazki editore eta errepositoreak, hezkuntzara eramateko orduan gaia bitan banatu dugu: errepositoreak alde batetik eta editoreak bestetik.

           Editoreei dagokionez, klasean umeekin lantzea pentsatu egin dugu; online editoreek aukera asko ematen baitituzte efektuei dagokionez. Horrela, umeek, euren argazkiak editatzeko aukera izango dute, kolorea aldatu, moztu... haiek nahi duten bezala utzi arte.Klasean hau landu ondoren, etxean ere lantzeko gai izango dira, bere kabuz (hau euren esku utzi egingo dugu).
Editore askok, Collageak egiteko aukera ematen dutenez, euren familiarena egitea proposatuko genukeen; horretarako familiako kideen argazki bana ekarri, hauek editatu eta collagea egingo genuke. Collage guztiak eginda daudenean, imprimatu eta klasean itsatsiko genituzke.

Errepositoreei erreparatuz, irakaslearen erabilerarako pentsatu egin ditugu gehien bat. Eskolan ekitaldiren bat egongo balitz, ateratako argazkiak online sortutako albumetan eskegi ahal izateko; horrela, gurasoek ekitaldia ikusteko aukerarik izan ez balute, bertan argazkiak ikusteko aukera izango luketeelako.

azaroak 15

Gaur, aurreko klase dinamika jarraituz, azalpenekin jarraitu dugu. Lehenengo taldea gu izan gara eta "Argazki editore eta errepositoreak" azaldu ditugu. Horretarako, prezi bat erabili izan dugu eta horren barruan, power point diapositiba batzuk.

Picasa Errepositorea

Picasa Google-eko dohainikako programa da. Programa honekin ondorengo hau guztia egin dezakegu: Antolatu eta aurkitu gure ordenagailuan daukagun argazki guztiak Argazkiak editatu eta efektu ezberdinak jarri, prozesu erraz baten bidez. E-mail-en bidez gure argazkiak partekatu beste erabiltzaileekin. Album-ak eta etiketak sortu. Argazkiak editatu eta ukituak eman CD-an kopiak egin, … PICASA Picasan album bat sortu. 1. Picasa programa deskargatu - Helbidean sartu: http://picasa.google.es - Programa deskargartu:

Editore Windows

Windows editore PC guztietan dago eta erabiltzeko oso metodo erraz dauka. Hona hemen egin ahal duzun guztia. 1.Ireki editatu nahi dugun argazkia. “Editatu, antolatu edo banatu” atalean klikatu.

azaroak 8

Duela hiru aste ez dugula IKT klaserik izan, bai grebak bai zubiak izan direla medio. Gaurko egunean, zenbait aurkezpen egitea tokatu da.

Lehenengo taldea:
 Rikar Meabe, Ander Monasterio, Lander Maza eta Jon Hernandez.
Bideo editoreak azaldu dituzte eta proposaturiko ariketa moviemaker bat egitea izan da, gure kasuan, ahatetxo itsusiaren istorioa egitea izan da, argazkiak hartuz eta moviemaker-era igoz bideoa osatzeko.

Banco de sonidos orria ere azaldu digute non abestiak jeisti ahal diren bideoak egiteko.
Rikar izan da azalpen ia osoa eman duen taldekidea, bai gaiaren teoria bai arieketa egiteko pausuak.

Ariketaren pausu guztiak jarraituz, eta lortu ahal izan ditugun argazki eta soinuekin, lortu dugun emaitza ondokoa izan da: